Арбитражнай сууттар бэрэссэдээтэллэрин улахан мунньаҕа буолла

17.07.2013 18:10 | Автор: кыым.ру

Ааспыт нэдиэлэҕэ Дьокуускай куоракка Арассыыйа 10 эрэгийиэнин федеральнай арбитражнай сууттарын бэрэссэдээтэллэрин улахан мунньаҕа буолла.  Мунньаҕы иилээн-саҕалаан РФ Үрдүкү Арбитражнай Суутун бэрэссэдээтэлэ Антон Иванов ыытта.  Кини Саха Өрөспүүбүлүкэтигэр маннык улахан мунньаҕы ыыта аан бастаан кэллэ. Мунньахха СӨ Бырабыыталыстыбатын бэрэсэдээтэлэ Галина Данчикова, РФ Үрдүкү Арбитражнай Суутун бэрэссэдээтэлин солбуйааччыта Татьяна Андреева уонна СӨ Арбитражнай суутун бэрэссэдээтэлэ Игорь Макаров кытыннылар.
Маннык үрдүк таһымнаах мунньахтар хас сыл аайы Арассыыйа араас куораттарыгар ыытыллаллар. Сырыы аайы маннык мунньахтарга уопут атастаһыыта, суут уустук боппуруостарын дьүүллэһии, инникигэ кэскиллээх кэпсэтии барар. Бу сырыыга Дьокуускай куорат арбитражнай сууттар мунньахтарын түһүлгэтэ буолар чиэскэ тигистэ. Бу буолбут мунньахха суут систиэмэтин уларыйыытын туһунан кэпсэтии буолла. РФ Үрдүкү Суута уонна РФ Үрдүкү Арбитражнай Суута холбоһууларын туһунан ырытыстылар. Суут уопсастыба олоҕор улахан суолталааҕын бэлиэтээтилэр.
 www.kyym.ru/index.php/news/9796-2013-07-17-08-12-47

Опубликовано: 18.07.2013 04:09 Обновлено: 14.05.2023 20:50